ULYSSIPPO

ULYSSIPPO

quae Olissippo Plin, l. 4. c. 22. Oliosippon Ptolem. vuglo Lisbon Anglis, Lisboa Hispanis, Lisbona Italis, Lisbone Gallis, urbs Hispan. perampla et splendidissima, Lusitaniae caput, seu conventus iuridicus et regia, Archiepiscopalis a Bonifacio IX. facta, et emporiô clarissima, omniumque rubium Hispanicarum maxima, 7. collibus imposita, ad Tagum fluv. haud procul ab ora occidua, distans a Toleto 83. ab Hispali 63. leuc. in Occasum. Ab Ulysse condita nomen habet, teste Solinô, c. 36. Arcem habet permunitam in colle, et portum, crescitque in dies. Baudrando 2. leuc. ab ostio Tagi, et ab ora Oceani Atlantic. in Ortum, uti 6. a Lunae promontor. 33. a Sacro promontor. in Boream Portum versus 46. circiter, 56. ab Hispali in Circium, 32. a Pace Augusta in Occasum. A. C. 1147. victis Mauris, una cum Ebora, Helvis et Pace Iulia recuperata est, ab Alphonso Rege. In portu urbis huius classem Hispanicam, 36. navium diripuit ac incendit, Fr. Dracus Anglus, a. C. 1585. postea ex eodem solvit stupenda illa classis, quae Angliae exitium minata est, A. C. 1588. etc. Vide Olissippo.